PEDAGOGIK PSIXOLOGIYANING ZAMONAVIY RIVOJLANISH TENDENSIYALARI VA UNING TA’LIMDA TUTGAN O‘RNI

Abstract

Ushbu maqolada pedagogik psixologiya fanining shakllanish tarixi, rivojlanish bosqichlari va uning zamonaviy ta'lim jarayonidagi o‘rni keng yoritiladi. Pedagogik psixologiyaning pedagogika bilan o‘zaro uzviy aloqasi, shuningdek, o‘quvchilarning bilim olish, shaxs sifatida shakllanish va ijtimoiy moslashuv jarayonlarida psixologik yondashuvlarning ahamiyati tahlil etiladi. Maqolada zamonaviy pedagogik psixologiya tendensiyalari, yangi ilmiy metodlarning ta’lim va tarbiya jarayoniga ta’siri, shuningdek, o‘quvchilar va o‘qituvchilarning psixologik o‘zaro ta’siri masalalari ham ko‘rib chiqiladi. Bundan tashqari, pedagogik psixologiyaning asosiy nazariy va amaliy vazifalari, shaxs rivojlanishiga ta’sir etuvchi omillar, ta'lim samaradorligini oshirish uchun psixologik metodlardan foydalanish zarurati va bu sohadagi ilmiy tadqiqotlarning istiqbollari haqida fikr yuritiladi. Mazkur maqola pedagogik faoliyat bilan shug‘ullanuvchilar, psixologlar va ta'lim tizimi ishtirokchilari uchun nazariy va amaliy jihatdan foydali bo‘lishi ko‘zda tutilgan.