XALQARO MOLIYA INSTITUTLARINING “YASHIL” KREDIT LINIYALARINI JALB QILISH VA ULARDAN FOYDALANISH SAMARADORLIGI

Abstract

Mazkur maqolada xalqaro moliya institutlari tomonidan taqdim etilayotgan “yashil” kredit liniyalarini jalb qilish jarayoni va ulardan foydalanish samaradorligi ilmiy jihatdan tahlil qilinadi. Tadqiqot doirasida xalqaro moliya institutlarining ekologik yo‘naltirilgan moliyalashtirish mexanizmlari, ushbu kredit liniyalarining milliy bank tizimiga integratsiya qilinishi hamda ularning investitsiya faoliyatiga ta’siri o‘rganiladi. Shuningdek, “yashil” kredit liniyalaridan foydalanish samaradorligini baholash mezonlari aniqlanib, amaliyotda yuzaga kelayotgan muammolar va ularni bartaraf etish yo‘llari yoritiladi. Olingan natijalar xalqaro moliya resurslarini jalb qilish va ularni ekologik barqaror loyihalarga samarali yo‘naltirish bo‘yicha ilmiy-amaliy xulosalar ishlab chiqish imkonini beradi.