RAQAMLI QAL’A: IJTIMOIY TARMOQLARDA O‘ZINGIZNI VA MA’LUMOTLARINGIZNI HIMOYALASH STRATEGIYALARI

Abstract

Mazkur maqolada zamonaviy globallashuv va raqamlashtirish sharoitida media savodxonlik hamda axborot madaniyatining mohiyati, ularning shaxs va jamiyat hayotidagi o‘rni ilmiy-nazariy jihatdan tahlil qilinadi. Tadqiqotda ijtimoiy tarmoqlar va raqamli platformalar orqali tarqalayotgan axborot oqimining shaxs ongiga ta’siri, soxta axborot, manipulyativ media kontent hamda shaxsiy ma’lumotlar xavfsizligi bilan bog‘liq xavf-xatarlar yoritib beriladi. Media savodxonlik va axborot madaniyati o‘zaro bog‘liq kompetensiyalar tizimi sifatida talqin qilinib, ularning asosiy tarkibiy komponentlari aniqlanadi. Tadqiqot natijalari shuni ko‘rsatadiki, media  savodxonlik axborotni tanqidiy qabul qilish va tahlil qilishga yo‘naltirilgan bo‘lsa, axborot madaniyati ushbu ko‘nikmalarni ijtimoiy mas’uliyat, etik va huquqiy me’yorlar bilan uyg‘unlashtiradi. Maqolada ta’lim jarayonida media savodxonlik va axborot madaniyatini rivojlantirishga oid ilmiy xulosalar hamda amaliy tavsiyalar berilgan.