SUN’IY INTELLEKT TEXNOLOGIYALARINING IQTISODIY O‘SISHGA TA’SIRI

Abstract

Mazkur maqolada sun’iy intellekt (SI) texnologiyalarining iqtisodiy o‘sishga ta’siri nazariy va amaliy jihatdan tahlil qilingan. Tadqiqotda sun’iy intellektning ishlab chiqarish samaradorligini oshirish, mehnat unumdorligini yuksaltirish, innovatsion faoliyatni rag‘batlantirish, resurslardan samarali foydalanish hamda iqtisodiyotning turli tarmoqlarida qo‘shimcha qiymat yaratishdagi o‘rni yoritilgan. Shuningdek, SI texnologiyalarini joriy etish bilan bog‘liq muammolar, jumladan, raqamli infratuzilmaning yetarli emasligi, malakali kadrlar taqchilligi, kiberxavfsizlik va axloqiy masalalar tahlil qilingan. Tadqiqot natijasida sun’iy intellektni iqtisodiyot tarmoqlariga keng joriy etish bo‘yicha ilmiy-amaliy tavsiyalar ishlab chiqilgan.