YASHIL IQTISODIYOTGA O‘TISH STRATEGIYASINING NAZARIY ASOSLARI

Abstract

Maqolada yashil iqtisodiyotga o’tish strategiyasining nazariy asoslari tahlil qilinadi. Iqlim o’zgarishi, tabiiy resurslarning tugashi va ekologik muvozanatning buzilishi sharoitida barqaror rivojlanishni ta’minlash zarurati “yashil iqtisodiyot” tushunchasining dolzarbligini belgilab beradi. Tadqiqotning maqsadi — yashil iqtisodiyotga o’tish strategiyasini shakllantirishning konseptual-nazariy jihatlarini ochib berish va uning asosiy tamoyillarini tizimlashtirishdan iborat. Tadqiqotda nazariy umumlashtirish, qiyosiy tahlil hamda tizimli yondashuv metodlaridan foydalanilgan. Maqolada yashil iqtisodiyot kategoriyasining mazmun-mohiyati, uning an’anaviy iqtisodiy modellardan farqi, shuningdek BMTning Barqaror rivojlanish maqsadlari (SDGs) bilan o’zaro bog’liqligi yoritiladi. Tadqiqot natijalariga ko’ra, yashil iqtisodiyotga o’tish quyidagi asosiy yo’nalishlarni qamrab oladi: energiya samaradorligini oshirish, qayta tiklanuvchi energiya manbalaridan foydalanish, kam uglerodli ishlab chiqarish va resurslarni tejovchi texnologiyalarni joriy etish. Shuningdek, davlatning iqtisodiy siyosati, institutsional muhit hamda investitsiya mexanizmlarining roli ko’rsatib o’tiladi. Xulosa qilib aytganda, yashil iqtisodiyotga o’tish strategiyasi yaxlit nazariy-metodologik asosga, davlat tomonidan qo’llab-quvvatlashga va jamiyatning ekologik ongini oshirishga tayanishi lozim. Olingan natijalar O’zbekiston sharoitida barqaror iqtisodiy rivojlanish strategiyasini ishlab chiqishda nazariy manba bo’lib xizmat qilishi mumkin.