TARIX VA TURIZM UYG‘UNLIGI: O‘ZBEKISTON OBIDALARI JOZIBASI (RUHOBOD MAQBARASI MISOLIDA)

Abstract

 Ushbu maqolada O‘zbekistonning boy tarixiy-me’moriy merosi, xususan Ruhobod maqbarasi misolida Sharq yodgorliklarining tarixiy, madaniy va ma’naviy ahamiyati keng yoritilgan. Maqolada qadimiy obidalarning shakllanish jarayoni, ularning me’moriy xususiyatlari, ramziy mazmuni hamda jamiyat hayotidagi o‘rni chuqur tahlil qilinadi. Shuningdek, Samarqand shahrining jahon sivilizatsiyasidagi o‘rni, uning tarixiy maskanlari orqali turizm salohiyatini oshirish imkoniyatlari ko‘rib chiqiladi. Tadqiqotda zamonaviy turizm siyosati, davlat tomonidan amalga oshirilayotgan islohotlar, infratuzilmani rivojlantirish, yangi turistik yo‘nalishlar yaratish va xalqaro hamkorlikni kengaytirish masalalari ham tahlil etilgan. Natijada, tarixiy merosni asrab-avaylash va uni global turizm tizimiga integratsiya qilishning muhimligi asoslab beriladi.