OʻZBEK BADIIY ADABIYOTIDA TIMSOL VA RAMZLARNING BADIIY-ESTETIK MOHIYATI

Abstract

Mazkur maqolada oʻzbek badiiy adabiyotida timsol va ramzlarning oʻrni hamda ularning badiiy-estetik mohiyati tahlil qilinadi. Timsol va ramzlar adabiyotda muhim badiiy vositalardan biri boʻlib, ular asarlarning semantik qatlamini boyitish, yozuvchining falsafiy qarashlarini ifodalash va oʻquvchiga chuqur taʼsir koʻrsatish vazifalarini bajaradi. Ushbu tadqiqotda Alisher Navoiy, Abdulla Qodiriy, Choʻlpon kabi adiblarning asarlaridagi ramziy obrazlarning maʼnolari ochib beriladi hamda zamonaviy oʻzbek adabiyotidagi yangi timsollar va ularning talqini tahlil qilinadi.